КАТАР УЛСТАЙ МУЗЕЙН САЛБАРТ ХАМТРАН АЖИЛЛАНА

Катар Улсын Музейн ерөнхий газрын захирал Абдулазз Хамад А.Х. Аль-Таниг хүлээн авч уулзаж, хоёр талын музейн салбарын хамтын ажиллагааны талаар санал солилцов.

Уулзалтаар хоёр орны музейн хамтын ажиллагаа тэр дундаа хамтарсан үзэсгэлэн зохион байгуулах, өдгөө Франц Улсын Нант хотноо дэлгэгдэж буй “Чингис хаан: Монголчууд дэлхийг өөрчилсөн нь” үзэсгэлэнг Катарын Үндэсний музейд дэлгэн үзүүлэх талаар ярилцав. Мөн “Нүүдэлчин” олон улсын фестивальд катарын нүүдэлчдийн төлөөллийг оролцохыг урихын зэрэгцээ цаашид дүрслэх урлагийн салбарт хамтран ажиллаж, хоёр улс хооронд соёлын солилцоо эхлүүлэх саналтай буйгаа илэрхийллээ.

2022 онд зохион байгуулагдсан Хөлбөмбөгийн ДАШТ-ий үеэр Катар Улсын Доха хотод байрладаг Катарын Үндэсний музейд “Нүүдэл” үзэсгэлэн дэлгэгдсэн. Уг үзэсгэлэнд Төв Азийн Монголчуудын нүүдлийн аж амьдрал, нийгэм аж ахуй, уламжлал шингэсэн үзмэрүүдийг Монголын Үндэсний музейгээс дэлгэн үзүүлж олон улсын хамтарсан үзэсгэлэнг зохион байгуулсан нь амжилттай болж, тус музейн түүхэн дэх хамгийн их үзэгч үзсэн үзэсгэлэн болсныг ноён Абдулазз Хамад А.Х. Аль-Тани онцлоод 2024 онд Катарын соёлыг харуулсан үзэсгэлэнг Монголын Үндэсний музейд дэлгэхээр төлөвлөж буйгаа илэрхийллээ.

Энэ жил тохиож буй Монгол Улс, Катар Улсын хооронд дипломат харилцаа тогтоосны 25 жилийн ойн хүрээнд Монголын Үндэсний музей, Катарын музейн ерөнхий газар хооронд хамтран ажиллах тухай харилцан ойлголцлын санамж бичгийг 2023 оны 12 дугаар сарын 22-нд байгуулаад байна.

Мэдээ, мэдээлэл

2024 ОНЫ 06 САРЫН 15

ИННОВАЦЫН ШИЙДЛҮҮД ШИНГЭСЭН МОНГОЛ ГЭР УРЛАДАГ "МОН ӨРГӨӨ" КОМПАНИЙН ҮЙЛ АЖИЛЛАГААТАЙ ТАНИЛЦЛАА

Тэд шинэлэг бүтээлээ хэдийн АНУ-руу экспортолж эхэлсэн бөгөөд соёлын бүтээлч үйлдвэрлэлийг бүрэн утгаар нь хөгжүүлж буй ААН юм. Ийм залуусаа бид дэмжиж, иргэд эрүүл, аюулгүй, утаагүй сууцанд амьдрах боломжийг хангах үүднээс мөрийн хөтөлбөртөө эрчим хүчний хэмнэлттэй, байгальд ээлтэй амины орон сууц, барих, засварлахад хөнгөлөлттэй зээл олгох эрх зүйн орчныг бүрдүүлэхээр тусгасан.

Дэлгэрэнгүй

2024 ОНЫ 06 САРЫН 12

БНАЛАУ-ЫН ЕРӨНХИЙЛӨГЧ ТОНГЛУН СИСҮЛИТИЙГ СОЁЛЫН САЙД Ч.НОМИН ЧИНГИС ХААН ҮНДЭСНИЙ МУЗЕЙД УГТЛАА

Монгол Улсын Ерөнхийлөгч Ухнаагийн Хүрэлсүхийн урилгаар Монгол Улсад төрийн айлчлал хийж буй БНАЛАУ-ын Ерөнхийлөгч Тонглун Сисүлит гэргий Нали Сисүлит-ийн хамт Чингис хаан Үндэсний музейд зочлов. Зочдыг Соёлын сайд Ч.Номин угтан авч, зочид тус музейн Их монгол улсын танхим”, “Чингис хааны угсааны хаад, язгууртны танхим”-ыг үзэж, сонирхов. Үүний дараагаар Ерөнхийлөгч Тонглун Сисүлит гэргий Нали Сисүлит-ийн хамт […]

Дэлгэрэнгүй

2024 ОНЫ 06 САРЫН 11

МОНГОЛ АРДЫН НАМЫН 2024 ОНЫ УИХ-ЫН СОНГУУЛИЙН МӨРИЙН ХӨТӨЛБӨРТЭЙ ТАНИЛЦАНА УУ

Дэлгэрэнгүй

Санал хүсэлт