ПАРИС-2024" ОЛИМП, ПАРАЛИМПЫН НААДАМД АМЖИЛТТАЙ ОРОЛЦСОН БАГ ТАМИРЧИД, ДАСГАЛЖУУЛАГЧДАД ТӨРИЙН ДЭЭД ЦОЛ, ОДОН, МЕДАЛЬ ГАРДУУЛЛАА

Монгол Улсын Ерөнхийлөгч Ухнаагийн Хүрэлсүх “Парис-2024” Зуны олимп, паралимпын наадамд амжилттай оролцсон Монгол Улсын шигшээ багийн багш, тамирчдад төрийн дээд цол, одон, медаль хүртээлээ.

Монгол Улсын Хөдөлмөрийн баатар цолоор:

• "Парис-2024" паралимпын наадмын Алтан медальт Уламбаярын Сүрэнжав

Монгол Улсын Гавьяат тамирчин цолоор:

• "Парис-2024" олимпын наадмын мөнгөн медальт Бавуудоржийн Баасанхүү,
• "Парис-2024" паралимпын наадмын мөнгөн медальт Цэгмидийн Баттулга

Монгол Улсын Гавьяат дасгалжуулагч цолоор:

• Пара таеквондогийн үндэсний шигшээ багийн дасгалжуулагч Наранчимэгийн Эрдэнэбаатар,
• Пара таеквондогийн үндэсний шигшээ багийн дасгалжуулагч Доржжанцангийн Батнасан,
• Үндэсний шигшээ багийн дасгалжуулагч Дашдэндэвийн Махашири

Сүхбаатарын одонгоор

• "Парис-2024" паралимпын наадмын мөнгөн медальт Энхбаярын Содномпилжээ,
• Гавьяат дасгалжуулагч, Үндэсний шигшээ багийн дасгалжуулагч Дашийн Баттулга,
• Гавьяат тамирчин, Жүдо бөхийн үндэсний шигшээ багийн дасгалжуулагч Мөнхбаатарын Бундмаа,
• Монголын үндэсний паралимпын хорооны ерөнхийлөгч, Аж үйлдвэрийн гавьяат ажилтан Даваагийн Нямхүү,
• Гавьяат тамирчин, Хөнгөн атлетикийн мастеруудын дэлхийн аварга шалгаруулах тэмцээний алтан медальт Цэрэнгийн Раднаа

᠎Алтан гадас одонгоор:

• Үндэсний шигшээ багийн тамирчин, Паралимпын усанд сэлэлтийн тамирчин Хүрэлийн Номуун нарыг тус тус шагнаж, урамшууллаа.

Мөн Олимп, паралимпад оролцож медаль хүртсэн тамирчдад Монгол Улсын Засгийн газраас 3-4 өрөө орон сууц олгохоор шийдвэрлэж, олимпын эрх авсан тамирчид, дасгалжуулагчид болон "Парис-2024" зуны наадамд ажилласан шүүгч нарт тус бүр 10 сая төгрөгийн мөнгөн урамшуулал олгохоор тогтсон билээ.