“Хархорум” Олон улсын кино наадмын шилдгүүд тодорлоо
“Хархорум” Олон улсын кино наадмыг энэ жил анх удаагаа хүний эрх, эрх чөлөөг сурталчлах нийтлэг ойлголт болоод сэдэвчилсэн мэдлэгийг таниулах бөгөөд кино урлагаар дамжуулан хүний эрхийг дээдлэх, зөв хандлагыг төлөвшүүлэх зорилготойгоор зохион байгууллаа.
Наадмын хүрээнд олон улсын кино наадмууд болон Оскарын шагналт найруулагчдын бүтээлүүд багтсан бөгөөд 15 улсын 22 уран сайхны кино болон баримтат киног үзэгч олондоо толилуулсан бол уралдаанд нийт есөн орны 14 уран бүтээл өрсөлдөж шилдгүүдээ тодрууллаа.
🔹Шилдэг бүрэн хэмжээний уран сайхны кино - "Эргэж ирэхгүй намар" МУСК
🔹Хүний эрхийн агуулга бүхий шилдэг бүтээл - Францын "Амьтдын ертөнц" кино
🔹Шилдэг баримтат кино - Америкийн "Шилжилт" кино тус тус шалгарлаа
Шилдэг уран бүтээлд өрсөлдөн шалгарсан уран бүтээлчдэдээ халуун баяр хүргэхийн зэрэгцээ олон улсын кино наадмаа амжилттай зохион байгуулсан баг хамт олон, олон улсын зочид төлөөлөгчид та бүхэндээ гүн талархал илэрхийлье