“Хархорум” Олон улсын кино фестиваль маргааш эхэлнэ

Олон улсын кино наадмын шагналт найруулагчдын бүтээлийг толилуулах “Хархорум” Олон улсын кино фестиваль маргаашаас эхлэн энэ сарын 12-ны өдрийг дуустал үргэлжилнэ.

Энэхүү кино фестивальд 15 улсын 22 киног толилуулахаар бэлдсэн бөгөөд Хүний эрхийн түгээмэл тунхаглал батлагдсаны 75 жилийн ойн босгон дээр “Хүний эрх 75” сэдвийн хүрээнд зохион байгуулна.
“Хүний эрх 75” сэдвийн хүрээнд эрх тэгш байдал, хүний эрх, үзэл бодлоо чөлөөтэй илэрхийлэх эрх болоод охид эмэгтэйчүүд, хөгжлийн бэрхшээлтэй хүмүүс, хүүхдийн эрх болон бусад эрхийг өгүүлсэн, түгээн дэлгэрүүлсэн бүтээлүүдийг толилуулна.

Tа бүхэн “Хархорум” кино фестивалиар толилуулах кино уран бүтээлийг гэр бүлийнхээ хамтаар зорин очиж, үзэж сонирхохыг урьж байна.