60 дахь удаагийн Венецийн Биенналийн үеэр Go Mongolia Монгол Улсыг олон улсад сурталчлах арга хэмжээг зохион байгуулна

Бүгд Найрамдах Итали Улсаас Монгол Улсад суугаа Онц бөгөөд Бүрэн эрхт Элчин сайд Жованна Пиккарретаг Соёлын яаманд хүлээн авч уулзаж, хоёр орны соёлын хамтын ажиллагааны талаар ярилцаж, санал солилцлоо.

Уулзалтаар Венецийн дүрслэх урлагийн 60 дахь удаагийн Биеннальд монгол уран бүтээлчид оролцож, монголын павильоныг байгуулах, үзэсгэлэнгийн нээлтийн үеэр Монгол Улсыг олон улсад сурталчлах Go Mongolia арга хэмжээг зохион байгуулах талаар дуулгалаа. Мөн Биеннальд оролцсоны дараагаар тус улсын Флоренц болон Пармагийн их сургуульд Монголын соёлын хоёр төвийг нээхээр болсныг Элчин сайдад мэдээлж, энэ нь монгол өв соёлыг Итали төдийгүй Европ тивд сурталчлан таниулахад онцгой чухал үүрэг гүйцэтгэхийг онцлон тэмдэглэлээ.

Элчин сайд Жованна Пиккаррэта нь итгэмжлэх жуух бичгээ бариад эхний уулзалтаа хийж байгаа нь хоёр орны харилцаанд нэн чухал гэдгийг дурдахын зэрэгцээ цаашид соёлын харилцааг эрчимтэй хөгжүүлэхээр төлөвлөж байгаа талаар хэллээ. Мөн Итали Улсын сэргэн мандалтын үеийн алдартай уран зураачдын бүтээлийг Монгол Улсад дэлгэн үзүүлэх саналтай буйгаа илэрхийлж, талууд энэ чиглэлээр хамтран ажиллахаар тохиролцлоо.

Уулзалтын төгсгөлд хоёр улсын Засгийн газар хоорондын “Соёл, боловсрол, шинжлэх ухаан, спортын салбарт 2022-2025 онд хамтран ажиллах Засгийн газар хоорондын хөтөлбөр”-ийг байгуулсан бөгөөд тус хөтөлбөрийн хэрэгжилтийг хангах хүрээнд мэргэжлийн дуулаач, хувцас загвар, уран зураг сэргээн засварлах чиглэлд Итали Улсаас мэргэжилтнүүдийг урьж, мастер класс сургалт зохион байгуулах чиглэлээр хамтран ажиллахаар болов.

Мэдээ, мэдээлэл

2024 ОНЫ 10 САРЫН 29

СОЁЛ, АЯЛАЛ ЖУУЛЧЛАЛЫН САЛБАРТ ХАМТРАН АЖИЛЛАХ ТУХАЙ ХАРИЛЦАН ОЙЛГОЛЦЛЫН САНАМЖ БИЧГИЙГ БҮГД НАЙРАМДАХ КАЗАХСТАН УЛСТАЙ БАЙГУУЛЛАА

Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Казахстан Улсын Ерөнхийлөгч Касым-Жомарт Кемелевич Токаев 2024 оны 10 дугаар сарын 28-29-ний өдрүүдэд төрийн айлчлал хийж байна. Энэ хүрээнд Монгол Улсын Соёл, спорт, аялал жуулчлал, залуучуудын яам Бүгд Найрамдах Казахстан Улсын Соёл, мэдээллийн яам, Аялал жуулчлал, спортын яамтай тус тус хамтран ажиллах тухай харилцан ойлголцлын санамж бичгийг […]

Дэлгэрэнгүй

2024 ОНЫ 10 САРЫН 26

"ҮНДЭСНИЙ СОЁЛ, АЯЛАЛ ЖУУЛЧЛАЛ, ТЕХНОЛОГИЙН ХӨГЖИЛ” ITM-МОНГОЛИА 2024 ОЛОН УЛСЫН АЯЛАЛ ЖУУЛЧЛАЛЫН ҮЗЭСГЭЛЭН НЭЭЛТЭЭ ХИЙЛЭЭ

Тус үзэсгэлэн 25 дахь жилдээ зохион байгуулагдаж буй бөгөөд үзэсгэлэнгийн нээлтийн арга хэмжээг Монголын Аялал Жуулчлалын холбооны Ерөнхийлөгч Д.Гантөмөр, Соёл, Спорт аялал жуулчлал, залуучуудын яамны Төрийн Нарийн Бичгийн Дарга А.Даваажаргал нар нээж энэ жилийн үзэсгэлэнгийн уриа онцлог, салбарын чиг хандлага болон бодлогын түвшинд төлөвлөж буй ажлыг дурдлаа. Мөн тус арга хэмжээний үеэр Монголын Аялал жуулчлалын […]

Дэлгэрэнгүй

2024 ОНЫ 10 САРЫН 25

АЯЛАЛ ЖУУЛЧЛАЛЫН САЛБАРТ ХАМТРАН АЖИЛЛАХ ТУХАЙ ГУРВАЛСАН ГЭРЭЭГ “БОСТОН КОНСАЛТИНГ ГРУПП” ЗӨВЛӨХ ҮЙЛЧИЛГЭЭНИЙ КОМПАНИТАЙ БАЙГУУЛЛАА

Соёл, спорт аялал жуулчлал, залуучуудын яам, Аялал жуулчлалын мэргэжлийн холбоо болон “Бостон консалтинг групп” зөвлөх үйлчилгээний компани хооронд аялал жуулчлалын салбарт хамтран ажиллах тухай гурвалсан гэрээ байгууллаа. Гэрээнд ССАЖЗЯ-ны Төрийн нарийн бичгийн даргын албан үүргийг түр орлон гүйцэтгэгч А.Даваажаргал, "Бостон Консалтинг Групп"-ийн Үйл ажиллагаа хариуцсан захирал Григорий Рубин, Аялал жуулчлалын мэргэжлийн холбооны тэргүүн дэд Ерөнхийлөгч […]

Дэлгэрэнгүй

Санал хүсэлт